Minisitiri w’intebe wa Israel Benjamin Netanyahu , yasubizanyije uburakari bukabije ku cyemezo cya ICC cy’uko ashobora gushyirirwaho impapuro zo kumuta muri yombi kubera ibyaha ashinjwa byibasiye inyoko muntu byakorewe umu ntambara I Gaza .
Mu butumwa bw’amashusho , Netanyahu yagaragaje ko ibyo ICC yakoze ari imyitwarire mibi mu gihe igihugu cye gihanganye n’intambara itaboroheye .
Yagize ati: “Iyi ni imyitwarire igayitse yo ku kigero cyanditse amateka. Israel irimo kurwana intambara ifite ishingiro n’ umutwe w’iterabwoba ukora jenoside wagabye igitero cya mbere kibi cyane ku Bayahudi kibayeho nyuma ya Jenoside y’Abayahudi”.
Yakomeje anenga cyane umushinjacyaha mukuru wa ICC Karim Khan, ko nawe ari umwe mu bibasira Abayahudi muri iki gihe.
Benjamin Netanyahu yatangaje ko icyi cyemezo cya Khan cyo kukushyiraho impapuro zo kumuta muri yombi we na Minisitiri w’ingabo wa Israel Yoav Gallant, kimeze nko gusuka lisansi nta mbabazi mu muriro wibasiye Abayahudi ku Isi.
