Abafite amavuriro yigenga bijejwe ibiciro bishya by’imiti bijyanye n’igihe. Ibi minisitiri w’Ubuzima, Dr Nsanzimana Sabin yavugiye mu nteko rusange y’ishyirahamwe ry’abaganga bigenga mu Rwanda ubwo bareberaga hamwe zimwe mu nzitizi bagihura nazo mu gutanga serivise z’ubuvuzi n’uburyo zakemurwa haganijwe kunoza imitangire ya serivise z’ubuvuzi.
Dr Nsanzimana yavuze ko mu gihe kitarenze ibyumweru 2 hazashyirwaho ibiciro bishya by’imiti na serivisi z’ubuzima mu gukemura ikibazo cy’ibiciro bitajyanye n’igihe.
Dr Nsanzimana Sabin yanenze kandi imyitwarire y’ibigo by’ubwishingizi bidaha ubwisanzure burambuye abaganga mu mitangire ya serivise n’imiti bandikira abarwayi.
Yijeje kandi abashoye imari mu mavuriro yigenga ko bazoroherezwa kubona ibyangombwa byo gukora akazi neza.
Ibiciro by’imiti bishya bijyiye kuvugururwa mu mavuriro yijyenga nyuma y’imyaka igera kuri 7 bishyizweho na minisiteri y’ubuzima .
