Umukobwa usanzwe ari umuganga i Bihar mu burasirazuba bw’Ubuhinde uri mu kigero cy’imyaka 25, yakase igitsina cy’umukunzi we nyuma y’uko yanze kumugira umugore.
Nyuma yo gukatwa ubugabo yihutanywe igitaraganya mu bitaro bikuru bya Kaminuza ya Patna aho yagiye kwitabwaho n’abaganga.
Uyu mukobwa yakase igitsina cy’umukunzi we kubera umujinya w’uko yanze kumushaka kandi bamaranye imyaka itatu bari mu munyenga w’urukundo.
Amakuru avuga ko umukobwa yareheje uyu musore akamutumira iwe ,maze ahageza amukata ubugabo akoresheje icyuma.
Umukozi wa sitasiyo ya polisi yo muri Madhaura mu karere ka Saran yemeje aya makuru avuga ko abaturage bahamagaye polisi nyuma yo kumva umusore ataka bahuruye basanga aryamye mu kidendezi cy’amaraso.
Ni mu gihe umukobwa yamaze gutabwa muri yombi ndetse iperereza rikaba ryatangiye.
