Mu ijoro ryakeye ryo ku itariki 21 Gicurasi 2024, umuyobozi wungirije w’akagali ka Murambi ho mu murenge wa Rubavu (SEDO), yarashwe n’abapolisi bari bari kuburinzi bamwibeshyamo umugizi wa nabi .
Amakuru avuga ko ubwo yari kumwe n’uhagarariye inkeragutabara muri uyu murenge bari kuri Moto, bagatangirwa n’abagizi ba nabi bagatabaza polisi ikahagera, polisi yamurashe mu kaguru imwibeshyaho ko ari umugizi wa nabi.
Umuvugizi wa Polisi y’Igihugu, ACP Rutikanga Boniface yemeje aya makuru avuga ko uyu muyobozi koko yakomerekejwe na polisi ubwo yari itabaye nk’uko bitangazwa na BWIZA.
Yagize ati: “Kugeza ubu ntiturasobanukirwa niba yari umwe mu batabaye, cyangwa niba yari umugenzi wari kuri moto. Gusa yakomerekeye mu gutabara kwa Polisi, kandi iperereza rirakomeje.”
Yangeye ho kandi ko ubwo polisi yatabaraga hari bamwe mu bagizi ba nabi bafashwe ndetse ko ipererza rigikomeje gukorewa kugira ngo hafatwe n’abandi.
ACP Rutikanga Boniface kandi yahumurije abaturage ababwira ko inzego z’’umutekano zibabereye maso ndetse n’ubufatanye bwo gutangira amakuru ku gihe.
Kugeza ubu uwarashwe arimo kwitabwaho n’abaganga mu bitaro bya Gisenyi, akaba ari ahasanzwe hakirirwa indembe.
