Mu ijoro ryo ku wa 21 Gicurasi 2024, urwego rw’ubugenzacyaha rwashimangiye amakuru y’uko rwataye muri yombi abantu 10 n’abafatanyacyaha babo bakurikiranyweho icyaha cyo gusaba indonke abantu bafite ababo bafunzwe kungira ngo bafungurwe .
Abatawe muri yombi barimo umucamanza ku Rukiko rw’Ibanze rwa Gasabo, umushinjacyaha ku Rwego rw’Ibanze rwa Ngarama, umugenzacyaha, umuhesha w’Inkiko w’Umwuga n’abafatanyacyaha babo.
Aba bakurikiranyweho gukorana n’abiyise abakomisiyoneri mu gusaba indonke abafite ababo bafunzwe kugira ngo barekurwe.
RIB yemeje kandi ko yanataye muri yombi abaturage 2 bafite ababo bafunze aribo Iradukunda Diane na Vicent Seroza.
Umuvugizi wa RIB , Dr Murangira B. Thierry yatangaje ko abatawe muri yombi ko byavuye mu iperereza ryari rimaze igihe rikorwa ku cyaha bacyekwaho cyo gusaba no kwakira indonke .
Aba batawe muri yombi tariki 16 Gicurasi 2024. Abatawe muri yombi bafungiye kuri sitasiyo za RIB zirimo Nyarugenge, Kicukiro, Nyamirambo, Kimihurura, Kimironko ndetse na Remera mu gihe dosiye zabo ziri gutunganywa ngo zishyikirinzwe ubushinjacyaha.
