Minisitiri w’Intebe wa Tanzania, Kassim Majaliwa, yatangaje ko ataziyamamariza kujya mu Nteko Ishinga Amategeko y’iki gihugu mu matora ateganyijwe mu Ukwakira 2025.
Umunyamabanga w’Ishyaka Chama Cha Mapinduzi mu karere ka Ruangwa, Abbas Makweta yavuze ko Majaliwa ubwe ari we wivugiye ko atazongera guhatanira intebe y’ugize Inteko Ishinga Amategeko uhagarariye aka karere.
Ati “Majaliwa yaje avuga ko atazongera guhatanira umwanya mu Nteko Ishinga Amategeko.”
Kuva mu 2010, Majaliwa yari umudepite uhagarariye akarere ka Ruangwa, aza kugirwa Minisitiri w’Intebe mu 2015 na Perezida John Pombe Magufuli waje kwitaba Imana.
Makwetta yavuze ko ko Majaliwa yageze ku biro bya CCM nka saa Saba, ntiyafata impapuro z’abashaka kuba abakandida ku mwanya w’abadepite, avuga ko amaze guhagararira aka gace imyaka 15 bityo igihe kigeze ngo aharire umwanya urubyiruko.
Gusa yasabye abantu bose bakomeza gushyigikira Perezida Samia Suluhu Hassan na Perezida wa Zanzibar Hussein Mwinyi
