Ingabo z’Igihugu zibarizwa muri Ingeneering Brigade mu kanya gashize zimaze gutegura ibisasu 2 byo mu bwoko bwa Grenade.Kimwe mu bisasu 2 byasanzwe hafi y’urugo rw’umuturage
Mu masaha ya mbere ya saa sita nibwo abasirikare bo muri Ingeneering Brigade bateguye banaturitsa ibisasu 2 byari hafi y’urugo rw’Umubyeyi witwa Mukarwego Suzane.
Ni ibisasu byabonetse mu Mudugudu wa Kabiha, Kagari ka Mutara mu Murenge wa Mwendo ho mu Karere ka Ruhango.
Abahatuye bavuga ko ibi bisasu byo mu bwoko bwa Grenade byari bibateye impungenge.
Umukuru w’Umudugudu wa Kabiha Habumugisha Sylvain avuga ko ingabo zateguye ibyo bisasu 2 mu mutuzo kuko zabanje kubitegura zibijyana mu kabande hatari abaturage.
Ati “Nta muturage wigeze wumva igihe ibyo bisasu byaturikiye, ubwoba abaturage bari bafite burashize turashimira Ingabo z’Igihugu.”
