Mu Murenge wa Remera mu Karere ka Gasabo mu Mujyi wa Kigali ku mugoroba wo kuri uyu wa Gatatu tariki ya 21 Ukuboza 2022, habereye impanuka y’imodoka, abantu batanu barakomereka.
Amakuru avuga ko iyi modoka yo mu bwoko bwa Fuso yavaga iRemera mu Giporoso yerekeza Sonatube Ropoint muri Kicukiro, yacitse feri ubwo yari igeze mu Kagari ka Rukiri ya I mu Murenge wa Remera, hafi y’ahari kaminuza ya UTB, igonga ibinyabiziga n’abagenzi, barakomereka cyane.
Umuvugizi wa Polisi ishami rishinzwe umutekano wo mu muhanda,SSP Irere Rene,yatangaje ko muri iyo mpanuka nta muntu wahise uhasiga ubuzima cyakora abakomeretse bakorewe ubutabazi bw’ibanze.
Yagize ati”Muri izo modoka cyangwa muri izo moto yagendaga igonga,hari abakomeretse batanu.Batatu bajyanywe ku Bitaro bya Kaminuza ya Kigali CHUK,umwe ajyanywa ku Bitaro bya Nyarugenge,undi ajyanwa ku Bitaro bya Kanombe.”
SSP Irere yavuze ko bikekwa ko iyi Fuso yari ivuye gupakurura umuzigo bityo akagira inama abashoferi ko baba bakwiye kuyijyana mu igaraje.
Yakomeje ati”Nubwo bwose nta muzigo yari ifite ariko birumvikana ko ishobora kuba yari ivuye gupakurura.Buriya iyo imodoka imaze guoakurura yakagombye guhita ijya mu igaraje kugira ngo bamenye niba aho yaturutse uko yari imeze niba ariko ikimeze kugira ngo nibamara no gupakira undi muzigo bazasubireyo neza.”
Hashize igihe mu gihugu by’umwihariko mu Mujyi wa Kigali hagaragara impanuka zitandukanye ndetse zikaba zatwara n’ubuzima bw’abantu.”
Abasenateri baherutse gusaba ko uhagarariye guverinoma yazasobanura mu magambo ingamba zihari mu guhangana n’impanuka zikomeje kugaragara.
Abagize Sena muri Komisiyo y’Ububanyi n’Amahnga, Ubutwererane,Umutekano muri raporo yayo bakoze ,igaragaza ko impanuka zo mu mihanda zavuye 4,160 mu 2020 zigera 8,639 mu 2021. Ni mu gihe muri uyu mwaka wa 2022 zimaze kugera 8,660.
Muri izi mpanuka raporo igaragaza ko zatwaye ubuzima bw’abantu benshi nk’aho mu 2020 abagera 687 bapfuye, mu 2021 ni 655 naho mu mwaka wa 2022 ni 629.
TUYISHIMIRE RAYMOND/UMUSEKE.RW
Hariya hantu hari umuteremuko ukabije ucamo imodoka ziba zimaze kugendabinirometero birenga 1.000. uwahashyize feux rouges yabanyamaguru niwe wateje impanuka. Nizindi xizahaba niba badakuyeho feux rouge zabanyamaguru
nyakubahwa afande kabera moto ziratumaze rwose zigenda nabi uragera kuri zebra crossing wahagarara ngo abanyamaguru bahite umwe agaca iburyo undi ibumoso bakaba baramugonze ubundi ku depasser banyura aho bashatse iburyo cyangwa ibumoso mudukize amagare hano kicukiro rwose maze imyaka 40 ntwara imodoka ndasaba police ishyireho amahugurwa yabo mvuze ukongeraho n abagore ubona basa n abigira imodoka mu mihanda kandi ari bonyine murakoze murakarama