Uwase Colombe wiyamamarije ikamba rya Miss Rwanda mu 2015, yamaze kwibaruka imfura nyuma y’imyaka yemeje ko ari mu rukundo n’umukunzi we baje no gukora ubukwe mu ibanga rikomeye.
Ku wa 11 Ugushyingo 2025 ni bwo Uwase Colombe yibarutse imfura. Yarabyariye mu Bitaro bya Gisirikare biri i Kanombe.
Mu 2022 ni bwo bwa mbere yagaragaje ku mbuga nkoranyambaga ko yinjiye mu rukundo n’umukunzi we wari wamaze kumwambika impeta.
Muri uwo mwaka, ni na bwo habaye umuhango wo gusaba no gukwa mbere y’uko Uwase Colombe n’umukunzi we bakora ubukwe bwagizwe ibanga rikomeye.
Uwase Colombe ni umwe mu bakobwa bahagarariye Intara y’Amajyaruguru mu irushanwa rya Miss Rwanda 2015 icyakora ntiyabasha kugira ikamba yegukana.
Uyu mugore yinjiye mu bucuruzi bw’imyenda afungura iduka rizwi nka ‘Bandana Fashion Boutique’ ryibanda cyane ku myenda y’abasirimu.
