Umunya-Nigeria, Adekunde Kasoko uzwi ku izina rya Adekunle Gold, ari i Kigali aho yatumiwe mu gikorwa cyo gususurutsa abazitabira imikino ya nyuma ya BAL muri BK Arena ku wa 24 Gicurasi 2024.
Adekunle Gold yagaragaje inyota n’ibyishimo yari afite byo kongera gutaramira i Kigali
Ati “Mbere y’uko ngera i Kigali narindi kuvugana n’inshuti yanjye mubwira uko u Rwanda ariki kimwe mu bihugu by’Afurika birimo gutera imbere, ni ibyo kwishimirwa cyane .”
Usibye Adekunle Gold uzataramira abazitabira iyi mikino, hari n’abahanzi babanyarwanda ndetse n’aba Djs batandukanye.
Abahanzi Nyarwanda bazasusurutsa abitabiriye iyi mikino barimo Bwiza, Juno Kizigenza, Itorero inganzo Ngari, Kenny Sol, Alyn Sano,Chris Easy, Ish Kevin, Kevin Kade, Kivumbi King ndetse n’abandi.
Muri iyi mikino Al Ahly Ly (Libya) izahura na Cape Town Tigers (Afurika y’Epfo) mu gihe Al Ahly (Misiri) izakina na FUS Rabat (Maroc).
