Ikipe ya Olympique Marseille yo mu Cyiciro cya Mbere mu Bufaransa, yatangaje ko yakiriye myugariro wo hagati, Eric Bertrand Bailly waturutse muri Manchester United.
Nyuma yo kutabona umwanya uhagije wo gukina, myugariro ukomoka muri Côte d’Ivoire, Eric Bertrand Bailly, yatijwe mu Bufaransa.
Uyu musore w’imyaka 28, yahawe nimero 3 nk’iyo yambaraga muri Manchester United. Yageze muri iyi kipe mu 2016 avuye muri Villarreal yo mu Cyiciro cya Mbere muri Éspagne.
Bailly azakinira Olympique Marseille muri uyu mwaka w’imikino 2022/2023 kugeza muri Kamena 2023.
UMUSEKE.RW
