Umunyarwenya Kanyabugande Olivier , uzwi nka Nyaxo yatawe muri yombi n’inzego zishinzwe umutekano, akurikiranyweho icyaha cyo gukubita no gukomeretsa ku bushake nk’uko Urwego rw’Igihugu rw’Ubugenzacyaha rwabibwiye UMUSEKE.
Ku wa 18 Kanama 2022 nibwo uru rwego rwamutaye muri yombi, akurikiranyweho icyaha cyo gukubita no gukomeretsa ku bushake mugenzi we.
Umuvugizi w’Urwego rw’Igihugu rw’Ubugenzacyaha, RIB, Dr Murangira B Thierry, yabwiye UMUSEKE ko kugeza ubu uyu mugabo afunzwe.
Yagize ati “Nibyo, yatawe muri yombi tariki 18 Kanama, akurikiranyweho gukubita no gukomeretsa. Byabereye i Nyamirambo, dosiye ye yashyikirijwe Ubushinjacyaha.”
Umuvugizi wa RIB yatangaje ko aho kuba yarakoreye icyaha ndetse n’abo yaba yarahemukiye ntacyo yabivugaho.
Amakuru avuga ko ubwo yari muri restaurant iherereye mu Karere ka Nyarugenge, Umurenge wa Nyamirambo, Akagari ka Rugarama, umudugudu wa Rusisiro, Nyaxo yakubise umugabo w’imyaka 30 icupa n’inkoni yo mu mutwe biza kumukomeretsa.
Dr Murangira yasabye abantu kurangwa n’ubworoherane mu rwego rwo kwirinda kugwa mu byaha.
Yagize ati “Abantu bakwiye kugira ubworoherane kuko bifasha abantu kwirinda ibyaha byinshi. Bakwiye kugira ubworoherane, bakirinda ibintu byose byabakurira ingorane zo kuba bakurikiranwa mu mategeko. “
UMUSEKE wamenye amakuru ko Nyaxo acumbikiwe kuri Sitasiyo ya RIB ya Nyamirambo mu gihe dosiye yamaze gushyikirizwa Ubushinjacyaha kuri uyu wa 22 Kanama 2022.
Ingingo ya 121 y’itegeko nimero 68/2018 ryo ku wa 30 Kanama 2018 ritaganya igifungo cy’imyaka itatu ariko kitarenze imyaka itanu n’ihazabu y’ibihumbi 500Frw ariko atarenze miliyoni 1Frw.
TUYISHIMIRE RAYMOND / UMUSEKE.RW
icyo umuntu yibaza kuki mubanyafuti bafatwa ninzego zumutekano biyita aba stars nkuyu abaririmbyi abakinnyi abanyamakuru nabandi kuki usanga ibitangaza makuru byahagurutse byanditse byavuze aho kureka abzbishinzwe ngo bakore akazi kabo ugasanga bahamagaye POLISI bahamagaye RIB, bazi abo aho bari aho gutegereza nkuko bikorwa kubandi ndetse bamwe banakomeye kurusha abo bajye bareka izonzego zikore akazi kazo kuko Polisi ibafata kuko baba ali abanyabyaha bakurikiranwa namategeko aho gukurikiranwa nitangazamakuru ahubwo ryagombye kubigisha uko bagomba kwitwara abo akenshi bakora ibyaha biteye isoni urugomo ubwirasi agasuzuguro ubusinzi ubusambanyi ibinyamakuru bibashima ko ngo bakundwa nabanyarwanda benshi sibyo abanyarwanda ntibyakunda abantu bitwara nkazamaibobo zitagira uburere. nubupfura
njya wandika ikinyarwanda kiza
Wowe we ubwo wanditse neza njya cg ni jya ! Soma inkuru naho kwibeshya mu myandikire ni ibisanzwe
kanyabugande nahamwanicyaha ahanwe nkuki amategeko abiteganya.
Amategeko n’akurikizwe
Nyaxo pore men nta sheni indacika.