Nta gisibya, ibiganiro bigamije kuzana amahoro muri Congo, byabereye i Nairobi ku nshuro ya gatatu, Perezida Paul Kagame na Perezida Felix Tshisekedi babikurikiranye bakoresehej ikoranabuhanga bari kumwe na Perezida Museveni.
Imitwe itandukanye yitwaje intwaro, abayoboye abaturage (chefs coutumiers), n’imiryango itari iya Leta bari muri ibi biganiro byitabiriwe n’abayobozi barimo Minisitiri w’Intebe wa Congo Kinshasa, Jean-Michel Sama Lukonde.
Ku isaha ya saa 10h30 nibwo ibiganiro byatangiye, bikaba biyobowe na Uhuru Kenyatta wayoboye Kenya, byitabiriwe kandi na Perezida Evariste Ndayishimiye w’u Burundi, na William Ruto wa Kenya.
Ku mafoto yashyizwe hanze n’Umuryango wa Africa y’Iburasirazuba, Perezida Paul Kagame, Felix Tshisekedi na Yoweri Museveni bitabiriye ibiganiro hifashishijwe ikoranabuhanga rya Video.
Umunyamabanga Mukuru wa EAC, Peter Mathuki yavuze ko uyu muryango ufite ubushake mu gufasha ko uburasirazuba bwa Congo bugira amahoro.
Mu bandi bitabiriye ibi biganiro harimo intumwa za Leta ya Tanzania, iza Sudan y’Epfo, indorerezi z’umuryango wa Africa yunze Ubumwe, iz’Umuryango w’Abibumbye, UN, n’abahagarariye ibihugu byabo, ndetse n’Intumwa idasanzwe y’Umunyamabanga mukuru wa UN, mu karere k’Ibiyaga Bigari, Huang Xia.
Abakurikirana politiki basanga ibi biganiro byarushaho kugira imbaraga, byitabiriwe n’Umutwe wa M23, umaze igihe uhanganye n’ingabo za Leta ya Congo, mu Ntara ya Kivu y’Amajayaruguru.
UMUSEKE.RW
Nimwifatire amafoto ubundi mwitahire,murimo kubeshyanya gusa nta kindi.
Abantu bogoshe za penke barikoze ngo bagiye mu mishyikirano i Nairobi kandi uwo barwana bamusize i Rutshuru? Ubwo ejobundi nibagaruka bagasanga yafashe n’indi mijyi induru zizavuga ngo ni Rwanda yagowe iri kubatera?