Abanye-Congo bahungiye mu Rwanda bamaze igihe kirekire bacumbikiwe mu nkambi ya Kigeme mu Karere ka Nyamagabe, mu gitondo cyo kuri wa mbere tariki ya 12 Ukuboza 2022, bazindukiye mu myigaragambyo y’amahoro yamagana ubwicanyi bene wabo bari gukorererwa.
Bari bafite ibyapa biriho amagambo asaba Umuryango w’Abibumbye, (UN), na leta ya Congo kubafasha guhagarika ubwicanyi buri gukorerwa Abatutsi muri Repubulika Iharanira Demokarasi ya Congo.
Umwe mu bitabiriye iyo myigaragambyo yabwiye UMUSEKE ko bayikoze mu mahoro bagamije kwereka amahanga ko yatereranye bene wabo bari kwicwa muri Congo.
Uyu yagize ati “Ni imyigaragambyo mu buryo bw’amahoro, mu mutuzo kandi ni uburyo bwemewe. Ni imyigaragambyo yari igamije kwamagana ubwicanyi buri gukorerwa abatutsi bo muri Congo.”
Umwe mu bigaragambya yavuze ko bayikoze barabanje kubisaba, nyuma icyifuzo cyabo cyemewe bajya mu muhanda.
Yagize ati “Ubuyobozi bw’inkambi bwari bubizi.Byakozwe mu buryo bwemewe.Habayeho kubisaba, babonye ko hari impamvu zumvikana.Ubuyobozi bwabanje kubisuzuma baza kubyemeza.”
Uyu yavuze ko ijwi ryabo rishobora kumvikana ubwicanyi abatusti bo muri Congo bakorerwa bugahagarara.
Yagize ati “Hari icyizere ko kuko hari ibitangazamakuru bitandukanye, amahanga na yo abibone arebe ko yagira icyo abikoraho, buriya bwicanyi bukaba bwahagarikwa kuko ntabwo abantu bakomeza kwicwa bazira uko baremwe.Ni ibintu bigayitse biri gukorwa.”
Ubwicanyi bwibasira Abatutsi bo muri Congo bwafashe intera nyuma yaho umutwe wa M23 wubuye imirwano uhanganye n’igisirikare cya Leta.
Abigaragambya bavugaga ko umutwe wa FDRL, Mai Mai, Nyatura ari bo bibasiye bene wabo b’Abatutsi bavuga ko bari gukorerwa Jenoside.
Umujyanama w’Umuryango w’’Abibumbye ushinzwe kurwanya Jenoside, Alice Wairimu Nderitu ,aheruka gutangaza ko kubera umutekano mucye n’urugomo biri mu Burasirazuba bwa Congo, no mu duce two mu Burengerazuba, ari ikimenyetso kigaragaza ko hashobora kuba Jenoside.
TUYISHIMIRE RAYMOND/UMUSEKE.RW
Abari hanze yigihugu cya Congo bo bumva ibintu muburyo bworoshye ariko twe turi mugihugu turi gukorerwa itotezwa biciye mubikorwa ndetse no mumagambo asesereza cyane birigukorwa nimitwe yitwaje intwaro ifatanije na leta nka FDLR, MAIMAI NYATURA ; dutangazwa cyane nuko amahanga yirengagiza ibintu nkibi kandi bigaragarira buriwese. NB: Basi abari hanze yigihugu mudusabire mudusengere kuko tubwirwa kenshi ko isaha nisaha bashobora kuduca imitwe babitubwira imbonankubone.
Abanye congo bari munkambi zibihugu bitandukanye mukomeze kudutabariza biciye munzira yamahoro ndashimira abo bavandimwe bacu bo KUKIGEME.
Ntago byoroshye pe Turashimira benewacu bari munkambi ya kigeme kumuhate mwagize wo kwamagana akarengane karigukorerwa abatutsi muri Congo bazira uko basa gusa niba Congo itatwemera iturekere nu butaka biwacu kuki niho twisanze
Abanyekongo bigaragambirije Kiziba babashoramo amasasu none ubu barigaragambye mu mudendezo kandi abanyarwanda ubwabo badashobora kwigaragambya! Bihishe iki? Ese benewabo bafunzwe bazira kwigaragambya barafunguwe?