Icyemezo cy’Urukiko rw’Ikirenga, kivuga ko bidasubirwaho William Ruto ari we watorewe kuyobora Kenya.
Perezida w’Urukiko rw’Ikirenga, Martha Karambu Koome, yavuze ko Ruto wahagarariye ihuriro Azimio la Umoja ari we watsinze amatora yabaye tariki ya 9 Kanama 2022.
Tariki ya 15 Kanama 2022, Umuyobozi Mukuru wa komisiyo y’amatora yigenga (IEBC), Wafula Chebukati, yatangaje ko Ruto yatsinze amatora n’amajwi 50.49%, naho Raila Odinga agira amajwi 48.85%.
Raila Odinga yavuze ko yibwe amajwi, yemeza ko ari we watsinze amatora, ndetse atanga ikirego.
Urukiko rwatesheje agaciro icyo kirego cye.
BBC ivuga ko mu cyumweru gitaha hazaba umuhango wo kurahiza William Ruto nka Perezida mushya wa Kenya.
William Ruto yanditse kuri Twitter ijambo riri muri Bibiliya [Mark 10:27] rigira riti “Ku bantu ntabwo bishoboka, ariko ku Mana, ku bw’Imana ibintu byose birashoboka.”
UMUSEKE.RW
Iyi nkuru irashimishije. Amahirwe masa kuri Ruto. Abanyakenya berekanye ko ibyifuzo byabo bidakwiye gupfikiranwa n’ubushake bwa Kenyata ku bw’inyungu ze bwite. Yari yahemukiye umuntu bafatanyije urugendo rukomeye kandi wamufashije. Ruto agaragara nk’utuje kandi wababarira ukurikije amagambo yavuze n’uburyo yitwaye muri iki kibazo. Amatora yabayemo imvururu yamuhaye isomo azababarire na Kenyata wari wamugambaniye babane neza Imana yerekanye ubushobozi bwayo! Odinga niyihangane kandi ntazateze akavuyo. Imana buriya ntiyamugeneye iriya ntebe!