William Ruto yarahiriye kuba umukuru w’igihugu cya Kenya kuri uyu wa kabiri asimbuye Uhuru Kenyatta wari Perezida w’icyo gihugu mu myaka 10 ishize.
Uhuru Kenyatta wari visi perezida wa Kenyatta, yatangajwe ko yatsinze amatora muri Kenya ku wa 9 Nzeri 2022.
Raila Odinga, bari bahanganye yahakanye ibyavuye mu matora arega mu Rukiko rw’Ikirenga rwaje gushimangira ko William Ruto ariwe watsinze.
Abakuru b’ibihugu by’umuryango wa Afurika y’Iburasirazuba, EAC bose bitabiriye irahira rya William Ruto, ubaye Perezida wa gatanu wa Kenya.
Perezida wa Komisiyo y’Umuryango wa AU, Moussa Faki Mahamat yavuze ko yagize amahirwe yo guhamya ubundi buryo bwo “guhererekanya ubutegetsi mu mahoro muri Kenya.”
Yunzemo ko ari ikintu kirambye kiranga politiki yo muri kiriya gihugu aho ubumwe ari ingabo ibunganira.
Abantu basaga ibihumbi 60 biganjemo abashyigikiye Perezida mushya, bari bambaye imyambaro y’icyatsi n’umuhondo babyina indirimbo zo kumushimagiza.
Bavuga ko ari umucunguzi wa rubanda rugufi akaba n’umugabo usobanukiwe umubabaro n’ubuzima bw’abanya-Kenya.
Polisi muri Kenya yari yasabye abaturage gukurikira umuhango bari mungo zabo nyuma y’uko saa 05:00 za mugitondo Stade yari yuzuye.
Nyuma yo kurahira Nyakubahwa Perezida William Ruto yagize ati “Uyu ni umunsi Uwiteka yaremye, reka twishime kandi tunezerwe.”
NDEKEZI JOHNSON / UMUSEKE.RW
Presidents benshi barahirira kuli Bible.Ikibazo nuko nyuma yaho benshi muli bo bakora ibyo bible itubuza.Urugero,president George Bush yarahiriye kuli bible,nyuma atera Irak yica abantu batabarika.Usanga ubukristu butajyana na politike.Muli politike haberamo inzangano,intambara,ubwicanyi,kwikubira,etc…,nyamara Imana ibitubuza.Niyo mpamvu Yesu yabujije abakristu nyakuli kwivanga mu by’isi,ahubwo bagashaka ubwami bw’imana,buzaza ku munsi wa nyuma,bugakuraho ubutegetsi bw’abantu,akaba aribwo butegeka iteka ryose nkuko Daniel 2:44 havuga.Hagati aho,Imana ireka abantu bagategeka isi,kugirango mu isi habeho order.