Umukino APR FC yanganyijemo na Gorilla FC, 0-0 wateje impaka zikomeye kumpande zombi .
Ni umukino w’umunsi wa Munani wa shampiyona wabereye kuri Kigali Pelé Stadium kuri iki Cyumweru tariki 3 Ugushyingo 2024 .
Ni umukino wakuruye impaka nyuma y’uko APR FC ikinishije abakinnyi 7 b’abanyamahanga kandi amategeko agenga shampiyona agena ko mu kibuga hajyamo abakinnyi 6.
Ibintu byateje impaka ku mpande zombi ubwo byari bigaragaye ko APR FC iri gukinisha abakinnyi barindwi b’Abanyamahanga
kandi hemewe batandatu gusa ubundi ihita ikora impinduka havamo Lamine Bah ukomoka muri Mali, asimburwa na Kwitonda Alain ’Bacca’, abanyamahanga bongera gusigara ari batandatu.
Nyuma y’uyu mukino umutoza wa APR FC,Darko Novic yatangaje ko habayemo ikosa ryo kwibeshya .
Yagize ati “Ntekereza ko atari amakosa yacu. Nta ruhare twabigizemo ahubwo bambwiye ko habayemo kwibeshya,ubwo rero nta cyo nabivugaho kuko ntabwo mbizi byabereye inyuma yanjye.”
Kugeza ubu ntabwo biramenyekana biba Gorilla FC izatanga ikirego ndetse n’ibihano ikipe ya APR FC ishobora kuzafatirwa n’ ishyirahamwe ry’umupira w’amaguru mu Rwanda, FERWAFA.
