Umuyobozi w’Umujyi wa Kigali, Rubingisa Pudence, yemeje ko Umujyi wa Kigali mu minsi ya vuba uzashyiraho ikipe ya Volleyball.
Nyuma yo gutera inkunga ikipe z’umupira w’amaguru zirimo Kiyovu Sports na AS Kigali FC, Umujyi wa Kigali ugiye gushyira imbaraga no mu yindi mikino y’amaboko irimo na Volleyball.
Mu kiganiro n’abanyamakuru cyabaye ku wa Gatatu tariki 3 Kanama, Meya w’Umujyi wa Kigali, Rubingisa Pudence, yemeje ko bagiye gushing ikipe ya Volleyball ariko biri mu nyigo.
Mu gukomeza guteza imbere imikino, Umujyi uherutse gusura Club Rafiki iherereye i Nyamirambo ahazamukiye abakinnyi batandukanye ba Basketball, ugirana ibiganiro n’urubyiruko ruhakorera imyitozo muri ibi biruhuko.
UMUSEKE.RW
