Pamphile Mihayo Kazembe yasubiye muri TP Mazembe ku nshuro ya Gatatu nyuma yo kwirukana Frank Dumas wananiwe kugeza iyi kipe mu matsinda ya CAF Champions League.
Nyuma yo gusezererwa na Vipers SC yo muri Uganda mu marushanwa ahuza amakipe yabaye aya Mbere iwayo ku mugabane wa Afurika [CAF Champions League], ubuyobozi bwa TP Mazembe ntabwo bwatinze kumusimbuza.
Pamphile Mihayo Kazembe wabaye muri iyi kipe kuva 2017-2020, muri Mutarama 2021 kugeza muri Nyakanga 2021, niwe wongeye guhabwa inshingano zo kuyitoza.
Uyu mugabo w’imyaka 46, yahawe inshingano zo gufasha ikipe kuzayigeza byibura mu matsinda ya CAF Confederation Cup kuko ni cyo cyiciro yahise yerekezamo.
UMUSEKE.RW
