The Ben yandikiye urukiko rw’ibanze rwa Kicukiro asaba ko Sengabo Jean Bosco uzwi nka Fatakumavuta bamurekura kuko yamuhaye imbabazi.
The Ben ni umwe mu batanze ikirego cy’uko yasebejwe n’umunyamakuru Sengabo Jean Bosco uzwi nka Fatakumavuta.
Mu ibaruwa iriho umukono wa Noteri The Ben yandikiye urukiko rwa Kicukiro kuri uyu wa 06 Ugushyingo 2024, yagaragaje ko urukiko rukwiye kurekura Fatakumavuta kuko yamubabariye ku byaha yamukoreye.
Kuri uyu wa 06 Ugushyingo 2024, nibwo urukiko rwategetse ko Sengabo Jean Bosco uzwi nka Fatakumavuta afungwa iminsi 30 y’agateganyo nyuma yo kubona ko ibyo ashinjwa bigize ibyaha bihanishwa igifungo kiri hejuru y’imyaka ibiri.
Fatakumavuta ashinjwa ibyaha birimo ibyo yakoreye ku mbuga nkoranyambaga nko gutukana no gusebanya ndetse no gukoresha ikiyobyabwenge cy’urumogi.
