Sena y’u Rwanda yasohoye itangazo rishima ibikorwa bya Guverinoma byo gutuza heza abaturage, nyuma y’iminsi mike abari batuye Nyarutarama muri Gasabo, hazwi nka “Bannyahe” bamwe bimutse ku neza, abandi bakabisabwa n’ubuyobozi.
Inama yahuje ba Perezida ba Komisiyo yateranye ku wa gatanu, tariki ya 16 Nzeri, 2022 iyobowe na Perezida wa Sena, Dr. IYAMUREMYE Augustin yize igikorwa cya Komisiyo ya Sena y’Ubukungu n’Iterambere ry’Imari cyo “kumenya ibikorwa mu kwihutisha iterambere rirambye ry’imijyi”.
Sena ivuga ko mu kungurana ibitekerezo kuri icyo gikorwa, Inama y’Abaperezida yashimye ibikorwa na Guverinoma mu gutuza neza abaturage hagamijwe kunoza imiturire n’imitunganyirize y’imijyi nk’uko biteganyijwe muri Gahunda ya Guverinoma y’imyaka irindwi (2017–2024).
Inama ya ba Perezida ba Komisiyo muri Sena, yashimye igikorwa cya Guverinoma cyo gutuza neza abaturage batuye mu Midugudu ya Kangondo I, Kangondo II na Kibiraro, mu Kagari ka Nyarutarama, Umurenge wa Remera, Akarere ka Gasabo.
Aba baturage batangiye kwimurwa kuva mu ntangiriro z’iki Cyumweru, bakajyanwa gutura mu mudugudu wubatswe mu Kagari ka Busanza, mu Murenge wa Kanombe mu Karere ka Kicukiro.
Itangazo rigenewe Abanyamakuru ryasohowe na Sena, rigira riti “Inama y’Abaperezida isanga iyo gahunda ya Guverinoma igomba gukomeza, mu rwego rwo kurengera abaturage batuye ahashobora gushyira ubuzima bwabo mu kaga, bagatuzwa neza.”
Sena ivuga ko bishimangira iyubahirizwa ry’ihame remezo ryo : Kubaka Leta iharanira imibereho myiza y’abaturage no gushyiraho uburyo bukwiye kugira ngo bagire amahirwe angana mu mibereho yabo.
Inama y’Abaperezida yasabye Abanyarwanda gukomeza gushyigikira gahunda za Leta ziteza imbere imibereho yabo.
Alain Mukuralinda Umuvugizi wungirije wa Guverinoma y’u Rwanda yavuze ko ibikorwa byo kwimura bariya baturage byarangiye kandi byagenze neza.
Kuri Twitter yanditse ati “Kwimuka Kangondo na Kibiraro bigeze ku musozo nta muvundo. Leta ikomeje kandi gutega amatwi, no gushakira umuti ibindi bibazo byavuka nyuma y’aho bagereye aho bimukiye mu Busanza.”
Dr Habineza azanye ingingo nshya ku kibazo cy’abaturage ba “Bannyahe”
UMUSEKE.RW
Inshingano za Sena zabazivuyeho hakajyaho iyo gukomera guvernoma amashyi? Icy’ingenzi Sena yagombye kureeba ni ukuba amategeko ajyaho kandi agakurikizwa. Abaturage barataka ko Leta (Guvernoma) yica amategeko. Sena – aho kwiga ikibazo cy’abaturage – iti: musugire musagambe! Ngiyo ingaruka y’abitwa ko bahagarariye rubanda kandi rubanda itabatora! Byanyibukije umudepite wagiye ku musozi ahagariye ahavuka umwe mu baturage bafunzwe hatazwi impamvu maze akihanukira ati: “Ntimumuzi ….! Arafunze. Arakagwa iyo ari”! Ngabo abaduhagarariye!
Ese kobari kubatuza aheza !!! Aho babakura kwarihabi hateza akaga nibateremo ibiti bareke kuhashyira aba businessman !!! Ahabi hadakwiye guturwa nute bahashyira ibikorwa remezo ? Nibya ESE ingurane itangwa hadakozwe ibarura ? Bivuzengo buriwese anganya agaciro nundi ko babaha amazu asa ahuje nibyamgkmbwa ? ESE ushatse kugurisha byagenda bite?
Ibi byose bizashira twese tuzabisiga gusa urya iby’abandi nubwo abanty batabimubaza Imana izabimubaza
niyo mhamvu buri uzabona uburyo bwo kugera hanze y’iki gihugu afite connection ntagaruke ntazamutera ibuye
bannyahe uwibonagamo ubukire ko atunze kurenza runaka bamusennye bamuringaniza nuwo yarutaga
dutegereze ibizakurikira muri iriya nkambi bajyanywemo na bannyahe nari niyiziye
niyo mhamvu buri uzabona uburyo bwo kugera hanze y’iki gihugu afite connection ntagaruke ntazamutera ibuye
bannyahe uwibonagamo ubukire ko atunze kurenza runaka bamusennye bamuringaniza nuwo yarutaga
dutegereze ibizakurikira muri iriya nkambi bajyanywemo na bannyahe nari niyiziye
Iyi Sena yacu iransekeje, nanze kuvuga ko yandijije. Birababaje biteye n’agahinda kubona ibi abasenateri bishimiye.