Perezida Emmanuel Macron w’u Bufaransa, yagaragaje umubabaro nyuma y’urupfu rwa Karine Buisset, umukozi w’ubutabazi w’Umufaransakazi wakoreraga UNICEF wapfiriye mu gitero cya drone cyagabwe mu mujyi wa Goma mu burasirazuba bwa Repubulika Iharanira Demokarasi ya Congo.
Umutwe wa AFC/M23 watangaje ko abantu batatu barimo Carine Buisset bishwe n’igitero cya drone mu gitondo kare kuri uyu wa gatatu.
Mu butumwa bwe, Macron yavuze ko asaba “kubaha uburenganzira bw’abantu” bari muri kariya gace no guhagurukira “gutabara ubuzima”.
Macron ari mu bategetsi ba mbere bagerageje ubuhuza mu 2022 nyuma y’amezi iyi ntambara mu burasirazuba bwa DR Congo yongeye gutangira.
AFC/M23 yatangaje ko igitero cyagabwe i Goma uyu munsi ari “ikindi kimenyetso cyo kurenga ku masezerano y’agahenge” ku ruhande rwa leta.
