Imirwano itoroshye kuri uyu wa 29 Ugushyingo 2022 yasakiranyije inyeshyamba za M23 n’abarwanyi b’imitwe yitwaje intwaro ya FDLR na Maï-Maï, Nyatura mu Mudugudu wa Kishishe muri Gurupema ya Bambo muri Teritwari ya Rutshuru.
Amakuru aturuka ahabereye imirwano avuga ko yatangiye i saa tatu z’igitondo, abaturage benshi bahungiye i Kibirizi n’i Kirema.
Nk’uko amakuru abivuga, inyeshyamba za M23 zigaruriye aka gace zari zarambuwe mu cyumweru gishize nyuma y’imirwano na FARDC n’imitwe irimo FDLR.
Umutwe wa FDLR wiyambajwe na Leta ya Kinshasa mu guhangana na M23 ariko bikomeje kuwuta ku w’amazi kuko bamburwa uduce uko bashoye ibitero kuri M23.
Kugeza ubu abarwanyi ba Mai-Mai APLCS, Nyatura, CMC boherejwe ku bwinshi hagati ya Kitshanga na Chumba, i Bishusha kugira ngo babuze M23 kwigarurira Umujyi wa Kitshanga.
Ni mu gihe mu duce twa Bwiza na Burungu abaturage bo mu bwoko bw’Abatutsi bari guhunga kubera kwibasirwa n’abasirikare ba Mai-Mai, FDLR n’indi mitwe yarunzwe i Kitshanga.
Indi mitwe ya Nyatura na Mai-Mai iri kugerageza kugaba ibitero kuri M23 i Katale na Biruma ku muhanda w’igihugu RN2 no hagati ya Nkwenda na Kisharu muri Gurupema ya Binza muri Teritwari ya Rutshuru.
Umutwe wa M23 uvuga ko utazihanganira ibitero ugabwaho n’ingabo za Leta n’imitwe yitwaje intwaro bafatanyije.
NDEKEZI JOHNSON / UMUSEKE.RW
Kuki aho kuvuga ko barwanirira abaturage, M23 ikomeje gushyira imbere kuvuga ko irwanirira abatutsi? Byaba se gutegura kuziyitirira kuba yarabarokoye? Gusa iyo barwana, amasasu ntarobanura ubwoko bwicwa n’ayo masasu. Ikindi gitangaje nuko n’abatutsi bagenda bahunga M23! Abatutsi bajijutse kandi nabo biyamye M23 ikoresha ubwoko bwabo itabibagishijemo inama. Birasetsa rero iyo M23 ivuga ko irengera abaturage bayo kandi bo bavuga ko batayishyigikiye!
Nshuti nta turwanirira abatutsi! Turwanirira akarengane gakorerwa abanyekongo , ubuyobozi bubi,irondamoko,kurwanya ruswa ….
Sha,Barwanye intambara nyinshi ariko iyiyo manza bitazoroha.umwaka wose ntakigenda kd mobutu byatwaye amezi 7.mba ndoga rukara rwa bishingwe bahuye nisarabwayi.
Biraboneka bo bibwirako ko umututsi ariwe muntu gusa naho abandi si abantu!! Ni akumiro. Aho m23 igenda iraca hose iracinja abo mu gandi moko nta mututsi bakura! Bivuze rero ko baje kuryanisha abanyekongo! Hano twarashingiranye nabayandi moko none m23 iriko irica abantu bafisanye amasano gusa ikarobanura abatutsi babanyamasisi nabanyamulenge ariko kubahutu bemasisi nabanyabwisha ni ukumaraho uhereye uyo za Bunagana. Aheshi baragiye bahanagura!Nta butabazi new m23 ahubwo irataba!