APR FC yatsinze Rayon Sports ibitego 3-0 mu mukino w’umunsi wa 7 wa shampiyona wabereye kuri Stade Amahoro, kuri uyu wa Gatandatu.
Ni ibitego byayishyize ku mwanya wa gatanu n’amanota 11.
Ni ibitego byinjijwe na Ronald Ssekiganda, William Togui Mel na Mamadou Sy.
Ni inshuro ya kabiri yikurikiranya APR itsinda Rayon Sports mu gihe kandi mu mikino itandatu iheruka guhuza amakipe yombi, Ikipe y’Ingabo z’Igihugu yatsinzemo itatu, amakipe yombi anganya itatu.
Iyi ntsinzi ibaye kwiyunga hagati ya APR FC n’abakunzi bayo bari bamaze iminsi batishimira uburyo ikina.
Iyi kipe yambara umukara n’umweru, irushwa amanota atandatu na Police FC ya mbere, ifite ibirarane bibiri izahuramo na Marine FC na Etincelles FC.
Umukinnyi w’umukino yabaye Ruboneka Bosco wa APR, ahabwa ibihumbi 100 Frw.
Uko indi mikino yabaye yarangiye:
Etincelles FC 0-0 Rutsiro FC
Gorilla FC 0-1 Amagaju FC
AS Muhanga 0-2 Marine FC
Mukura VS 0-2 Gasogi United
Musanze FC 3-2 Gicumbi FC

