Agace ka mbere ka Tour du Rwanda 2026 kegukanywe n’Umunya-Israel witwa Itamar Einhorn, usanzwe ukinira ikipe ya NSN Devo, wakoresheje amasaha ane n’amasegonda atatu ku ntera ya kilometero 173,6.
Iri siganwa ryatangiye kuri iki Cyumweru, tariki ya 22 Gashyantare 2026, aho abakinnyi bahagurukiye mu Rukomo mu Karere ka Gicumbi basoreza i Rwamagana, ari naho Itamar Einhorn, Umunya-Israel, yahigiye abandi aza ari we wa mbere wegukana ako gace, akoresheje amasaha ane n’amasegonda atatu gusa.
Iyo ikaba etape ya gatatu Itamar Einhorn yari atwaye mu irushanwa rya Tour du Rwanda nyuma y’iyo yari aherutse gutwara mu 2024.
Itamar Einhorn yakurikiwe n’Umunya-Gabon Hodei Gabina Munoz ukinira ikipe ya Soudal Quick-Step Devo wabaye uwa kabiri, akurikirwa na Mewael Girmay, Umunya-Eritrea ukinira ikipe ya Istanbul, wabaye uwa gatatu.
Iri siganwa ryitabiriwe n’abakinnyi 84 baturuka mu makipe 17. Abakinnyi b’Abanyarwanda barimo Uwiduhaye Mike na Nkundabera Eric bagerageje gukoresha imbaraga nyishi ariko ntibabashije kwegukana aka gace.
