Imbunzi z’Abarundi zari zimaze igihe mu gihugu cya Tanzania zigiye gusubizwa mu gihugu cyabo mu gihe imiryango iharanira uburenganzira bwa muntu niyishinzwe abimukira ivuga ko barimo koherezwa ku gahato.
Amakuru yatangajwe n’ibinyamakuru byo muri Tanzania avuga ko impunzi z’Abarundi zigera ku 100,000 zigiye kuzoherezwa mu gihugu cyabo bitarenze ukwezi kwa Kamena uyu mwaka, hakurikijwe amasezerano yasinwe hagati y’igihugu cya Tanzania n’u Burundi.
Nk’uko imibare y’Umuryango w’Abibumbye Ushinzwe Impunzi UNHCR, ubivuga mu mpera z’umwaka wa 2025, impunzi z’Abarundi zirenga 142,000 zari mu nkambi ya Nduta ndetse na Nyarugusu mu gihugu cya Tanzania mbere yo gutangira koherezwa mu gihugu cyabo.
Uretse impunzi z’Abarundi, kandi hari n’iz’abaturage ba Repubulika Iharanira Demokarasi ya Congo basaga 87,000 nabo byatangajwe ko mu kwezi Kwa Kamena bagomba kuba batakibarizwa mu gihugu cya Tanzania.
Kugeza ubu, ntacyo Leta ya Tanzania iratangaza cyerekeye ibyo ishinjwa byo kwirukana izo mpunzi ku gahato cyangwa ikiri inyuma yo kuzikura muri icyo gihugu.
