Urwego rw’Igihugu rw’ubugenzacyaha (RIB) rwataye muri yombi umunyamabanga nshingwabikorwa w’umurenge wa Mugombwa mu karere ka Gisagara ukurikiranyweho icyaha cyo kwaka indonke.
Bigwi Alain Lolain, aracyekwaho kwaka ruswa umuturage amwizeza kumufasha kubona icyangombwa cyo kubaka.
RIB ivuga ko ukekwa yarasabye umuturage ruswa amwizeza kumufasha kubona icyangombwa cyo kubaka.
Kuri ubu ukekwa afungiye kuri sitasiyo ya RIB ya Rwezamenyo mu gihe dosiye irimo gutunganywa ngo yoherezwe mu bushinjacyaha.
Urwego rw’igihugu rw’ubugezacya rwaboneyeho gukebura abitwaza inshingano bafite bagakora ibikorwa biri mu nyungu zabo bwite harimo no kwaka no gusaba indonke kugira ngo hakorwe ibinyuranye n’amategeko, ko bihanwa n’amategeko.
RIB irakangurira abaturarwanda gukomeza gutanga amakuru ku babaka ruswa kuri serivisi bafitiye uburenganzira.
