Ubuyobozi bw’ikipe ya Gasogi United, bubicishije ku mbuga nkoranyambaga z’ikipe bwatangaje ko bwatandukanye na Ahmed Adel n’uwari umwungirije.
Ibi bibaye nyuma y’amezi atatu gusa ubuyobozi bwa Gasogi United butangaje ko Umunya-Misiri Ahmed Adel na Bahaaeldin Ibrahim wari umwungirije, ari bo batoza bashya b’iyi kipe.
Iyi kipe nyuma yo gutsindwa na AS Kigali AS mu mukino w’umunsi wa Karindwi wa shampiyona, yahise itangaza ko biciye mu bwumvikane yamaze gutandukana n’aba batoza bombi.
Ahmed Adel yatoje Musanze FC aza gutandukana nayo mu gihe Covid-19 yari ikajije umurego, nyuma yo kwanga kugabanyirizwa umushahara.
UMUSEKE.RW
