Ibicishije ku mbuga nkoranyambaga za yo, ikipe ya Chelsea yatangaje ko Graham Potter ari we mutoza mushya w’iyi kipe wasimbuye Thomas Tuchel iyi kipe iheruka kwirukana.
Ku wa Gatatu tariki 7 Nzeri 2022, ni bwo ikipe ya Chelsea FC yatangaje ko yamaze gutandukana n’uwari umutoza mukuru wa yo, Thomas Tuchel nyuma yo gutsindwa umukino wa Mbere w’amatsinda ya Uefa Champions League.
Nyuma y’amasaha atageze kuri 24, ubuyobozi bw’iyi kipe bwahise butangaza ko Graham Potter watozaga ikipe Brighton&Hove Albion ari we mutoza mukuru mu myaka itanu iri imbere.
Umuyobozi wa Chelsea, Todd Boehly, yemeje ko Graham Potter ari we mutoza mushya w’iyi kipe.
Ati “Twahisemo kuzana Graham Potter muri Chelsea. Ni umutoza mwiza kandi wumva icyerekezo cy’ikipe yacu.”
Uyu Graham w’imyaka 47 ukomoka mu Bwongereza, yatoje amakipe arimo Stoke City, Birmingham, Southampton, Swansea City n’izindi.
UMUSEKE.RW
