Mu ijoro ryo kuri uyu wa Gatatu, umutoza mukuru w’ikipe y’Igihugu, Amavubi yatangaje urutonde ruriho abakinnyi 23 baziyambazwa mu mikino yo gushaka itike yo gukina amarushanwa ya CHAN 2023, hari bamwe byatunguranye kuba batahamagawe.
U Rwanda na Ethiopia bizakina umukino ubanza tariki 26/8/2022; ubere kuri Benjamin Mkapa Stadium mu mujyi wa Dar Es Salaam, naho uwo kwishyura uteganyijwe tariki 03/9/2022 kuri Stade mpuzamahanga y’i Huye nk’uko byatangajwe na FERWAFA.
Samuel Ndizeye na Elia Ganijuru bahamagawe bwa mbere mu ikipe y’Amavubi.
Abakinnyi barimo Haruna Niyonzima, Tuyisenge Jacques na Seif NIYONZIMA bagarutse mu ikipe y’igihugu kimwe na Rwatubyaye Abdul, Emery Mvuyekure na Bertrand IRADUKUNDA.
Umutoza Carlos Alós Ferrer ntiyahamagaye bamwe mu bakinnyi bamenyerewe barimo Fitina Ombalenga, Ishimwe Christian, Kalisa Rachid, Ishimwe Fiston, na Manishimwe Djabel.
UMUSEKE.RW
Ariko se koko nka Ishimwe Fiston ikindi gihe yahamagawe ni ryali? Kuburyo uvuga ngo ntiyahamagawe kdi yari amenyereye guhamagarwa!!