Abanyamakuru batandatu bo muri Sudan y’Epfo batawe muri yombi nyuma y’amashusho y’Umukuru wa kiriya gihugu agaragara yinyarira mu ruhame.
Aya makuru y’itabwa muri yombi ry’aba banyamakuru yashyizwe hanze n’Urwego ruharanira uburenganzira bw’Abanyamakuru.
Mu Ukuboza 2022, Perezida Salva Kiir yagaragaye mu mashusho yinyarira ubwo haririmbwaga indirimbo yubahiriza igihugu mu muhango yari ayoboye.
Moment 71-year-old South Sudan President Salva Kiir urinates on himself in public during road commissioning pic.twitter.com/Iv59tqrjWy
— The Observer (@observerug) December 14, 2022
Abanyamakuru bakorera Televiziyo ya Leta batawe muri yombi muri iki cyumweru.
Ishyirahamwe riharanira uburenganzira bw’Abanyamakuru (CPJ) rirasaba ko bariya barekurwa.
Patrick Oyet, ukuriye ishyirahamwe ry’abanyamakuru muri Sudan y’Epfo, yavuze ko bariya Banyamakuru bafashwe bakweho kuba bazi uko amashusho ya Perezida Salva Kiir yinyarira yageze hanze.
Televiziyo ya leta SSBC ivuga ko ariya mashusho itigeze iyasakaza.
Muthoki Mumo uhagarariye CPJ muri Africa yo munsi y’Ubutayu bwa Sahara, avuga koi fatwa rya bariya banyamakuru bigaragaraza urugero inzego z’umutekano zikunze gufunga abanyamakuru mu buryo bunyuranije n’amategeko.
Minisitiri w’Itumanaho muri Sudan y’Epfo Michael Makuei yabwiye Ijwi rya America ko abantu bakwiye gutegereza bakamenya icyatumye bariya banyamakuru batabwa muri yombi.
BBC
UMUSEKE.RW
Barakosheje bakubitwe ibiboko kuko ntabwo ari byiza kwandagaza umukambwe iyo umuntu ashaje ntabwo uruhago ruba rugifite imbaraga zo kugumana inkari ,ibyo rero ni ibisanzwe
Wanditse nabi. Ni ugucukwa n’inkari. Isi ntisakaye. Iyi ndwara ntawe itafata. Kandi uyirwaye, inkari ziza atabizi.
Pole sana Bwana Salvakir.
Ababikwirakwije bahemutse
Ikosa se ni abanyamakuru bagaragaje ko umukuru w’igihugu arwaye cyangwa ikosa ni abashinzwe umutekano we, harimo n’abaganga be, baba batafashe ingamba zikwiye kandi bazi ikibazo afite? Ibintu byo kwihambira ku butegetsi kugeza wituye hasi niyo ndwara ikomeye Africa ifite. Nk’uyu kuki ataharira abandi ngo ajye kuruhuka?
Ntabwo barenganye kuko barengereye cyane uretse no kuba ari umukuru w igihugu no ku muturage usanzwe iyo si inkuru yo gutangaza.
Barenganye! Kuko niyo baba aribo basakaje amashusho biri mukazi bakora kdi ntibahimbye bagaragaje ibyabaye; Ahubwo Mr P.Kiir najye kuruhuka ahe akanya abandi bayobore.