Muri tombola y’uko amakipe azahura mu ijonjora rya Mbere ry’amakipe yabaye aya Mbere iwayo [CAF Champions League] n’ayatwaye ibikombe iwayo [CAF Confederation Cup], APR FC yatomboye US Monastir yo mu Misiri, mu gihe AS Kigali izahura na Association Sportive d’Ali Sabieh [ASAS] yo muri Djibouti.
Ni tombola yabaye kuri uyu wa Kabiri, ibera i Cairo mu Misiri ku Cyicaro gikuru cy’Impuzamashyirahamwe ry’Umupira w’Amaguru muri Afurika, CAF.
Imikino ibanza iteganyijwe tariki 9-11 Nzeri , mu gihe iyo kwishyura izakinwa tariki 14-16 Nzeri 2022.
Ikipe izasezerera indi hagati ya AS Kigali na ASAS, izahita ihura na Al Nasr yo muri Libya, mu gihe izasezerera indi hagati ya APR FC na US Monastir, izahita ihura na Al Ahly yo mu Misiri.
Imikino ibanza y’ijonjora rya Kabiri ry’iri rushanwa yo iteganyijwe hagati y’itariki ya 07 n’iya 09 Ukwakira, mu gihe iyo kwishyura iteganyijwe hagati y’itariki ya 14 n’iya 16 Ukwakira.
UMUSEKE.RW
Apr turapfuy2