Ubuyobozi bw’Ishyirahamwe ry’Umupira w’Amaguru mu gihugu cya Sénégal, bwatangaje ko bwamaze kongerera amasezerano umutoza mukuru w’ikipe y’iki gihugu, Aliou Cissé, azageza mu 2024.
Ni icyemezo cyafashwe nyuma yo guhesha igikombe cya Afurika ikipe y’Igihugu ya Sénégal n’itike yo gukina imikino ya nyuma y’igikombe cy’Isi izabera muri Qatar umwaka utaha.
Ribicishije ku mbuga nkoranyambaga zaryo, Ishyirahamwe ry’Umupira w’Amaguru muri Sénégal, ryatangaje ko uyu mutoza yamaze kongererwa amasezerano y’imyaka ibiri.
Bati “Ishyirahamwe ry’Umupira w’Amaguru muri Sénégal, ririshimira kongerwa amasezerano kw’umutoza w’ikipe y’Igihugu Aliou Cissé, ubitse igikombe cya Afurika 2022. Azagumana inshingano zo gutoza ikipe ya Mbere kugeza mu 2024.”
Ikipe y’Igihugu ya Sénégal izaba iri kumwe na rutahizamu wa yo, Sadio Mané uherutse kugira imvune muri shampiyona y’u Budage.
UMUSEKE.RW
