Umutwe wa M23 watanze impuruza kuri Jenoside uvuga ko ihuriro ry’Ingabo za Leta ya Repubulika Iharanira Demokarasi ya Congo riri gukorera abanye-Congo bo mu bwoko bw’Abanyamulenge.
Mu itangazo ryashyizwe ahagaragara n’umuvugizi wa AFC/M23 Lawrence Kanyuka ku wa 25 Gicurasi yatabaje imiryango mpuzamahanga ko FARDC ,Wazalendo FDLR ndetse n’Abarundi bakomeje gukorera Abanyamurenge jenoside bashyigikiwe na Kinshasa.
M23 ivuga ko ibi bitero biganije kurimbura Abanyamurenge byangiza ibikorwa remezo ,bigakomeretsa benshi, anadi bakava mu byabo cyane abatuye mu bice bya Rugezi,Minembwe ,Mikenke ,Kundidi,Rurambo n’utundi duce dutandukanye .
M23 ivuga ko ibi bikorwa bya kinyamanswa bikorwa na Kinshasa n’abo bafatanyije amahanaga akomeje kubireba akicecekera.
Umuyobozi w’Umutwe wa M23 mu rwego rwa Politiki, Bertrand Bisiim mu kiganiro yagiranye n’Abanyamakuru ku Cyumweru , yaburiye Ingabo z’u Burundi ziri muri RDC ko zikwiriye gutaha, azibutsa ko iyo abantu barwanira uburenganzira bwabo, nta kintu na kimwe cyo guhomba baba bafite.
Bisiimwa kandi yavuze ko nta mishyikirano M23 ifitanye n’u Burundi, kuko ari igihugu kirwanya uyu mutwe, ndetse ko icyo gisirikare gifatanya n’umutwe wa FDLR urimo basize bakoze jenoside yakorewe Abatutsi mu Rwanda 1994.
Ibi bitangajwe nyuma y’iminsi mwinshi mu misozi ya Uvira hari imirwano ikomeye hagati ya M23 n’Ingabo za leta zifatanyije n’u Burundi, FDLR na Wazalendo by’umwihariko mu bice bya Rugezi, muri teritwari ya Fizi muri Kivu y’Amajyepfo n’ahandi.
