Umutwe wa M23/AFC wafashe umujyi wa Luhwindja uri mu Ntara ya Kivu y’Amajyepfo, aho hakorera sosiyete ya Twangiza Mining SA, iyoborwa na Banro Corporation, kompanyi y’Abanyakanada icukura zahabu.
Ni agace uyu mutwe wigaruriye mu gitondo cyo ku wa kabiri nyuma y’imirwano itamaze igihe kinini yabasakiranyije n’abarwanyi ba Wazalendo basanzwe bafasha leta ya Kinshasa kurwanya uyu mutwe.
M23 yigaruriye uyu mujyi nyuma yo kwisubiza agace ka Kaziba muri teritwari ya Walungu.
Kuri ubu ingabo z’uyu mutwe zitumbereye santire ya Mwenga mu gihe ibiganiro biwuhuza na leta ya Kinshasa bahanganye bikomeje i Doha muri Qatar.
