Muri Australia inteko nshinga amategeko yemeje itegeko rikumira abana bari munsi y’imyaka 16 ku gukoresha imbuga nkoranyambaga.
Iri tegeko ryashyizweho n’inteko ishinga Amategeko muri iki gihugu rivuga ko urubuga nkoranyambaga rutazashyiraho amabwiriza abuza abana gukoresha imbuga nkoranyambaga, ruzahanishwa amande agera kuri miliyoni $32.5.
Itegeko rizatangira gukurikizwa mu mpera z’umwaka utaha w’2025. Ribuza sosiyete z’ikoranabuhanga TikTok, Facebook, Instagram, X (yahoze ari Twitter), Snapchat n’izindi nyinshi gufungurira abana konti.
Izabirengaho ishobora guhanishwa ihazabu y’amadolari ya Australiya hafi miliyoni 50, ni ukuvuga nk’amadolari y’Abanyamerika miliyoni 32.
Imiryango irengera uburenganzira bw’umwana yo muri Australiya yarwanyije umushinga w’iri tegeko. Abaturage byibura 77 kw’ijana, cyane cyane ababyeyi, bari bawushyigikiye.
Ku rwego rwa politiki, minisitiri w’intebe, Anthony Albanese, nawe awuri inyuma n’ingufu nyinshi. kuri we, “imbuga nkoranyambaga zibuza amahoro, ni ibikoresho byo gushukana no guhohotera abana.” Iri tegeko ni rimwe mu make akomeye cyane kw’isi. (Reuters, AFP)
