Indirimbo ‘Milele’ ya Element Eleéeh yemejwe mu zuzuje ibisabwa zizatoranywamo izihatanira Grammy Awards igiye gutangwa ku nshuro ya 67.
Ni indirimbo yashyizwe mu cyiciro cya Best African Music Performance, mi bihembo bizatangwa muri Gashyantare 2025.
Element ni umuhanga mu gutunganya indirimbo z’abahanzi mu buryo bw’amajwi ndetse akaba ari umuhanzi umaze gushyira hanze indirimbo eshatu.
Igikorwa cyo gutanga indirimbo cyatangiye tariki 17 Nyakanga 2024 gisozwa tariki 30 Kanama 2024.
Izi ndirimbo zitoranywa n’akanama k’amatora ka Recording Academy.
Icyiciro cyo gutoranya izi ndirimbo kizatangira tariki 4 Ukwakira 2024 kirangire ku wa 15 Ukwakira 2024.
Abahanzi n’indirimbo zihatanira ibi bibembo bazatangazwa tariki 8 Ugushyingo 2024, ibikorwa byo gutora bitangire tariki 12 Ukuboza 2024 kugeza ku wa 3 Mutarama 2025.