Umusifuzi wo hagati, Ishimwe Jean Claude unzwi nka ‘Cucuri’, yahawe kuzayobora umukino uruta indi mu Rwanda “FERWAFA Super Cup” uzahuza APR FC na Police FC.
Ni umukino uteganyijwe kuzaba ku wa Gatandatu tariki 10 Kanama saa cyenda kuri Kigali Pelé Stadium.
Abandi bazamwunganira barimo Mutuyimana Dieudonné, Ishimwe Didier ndetse na Ruzindana Nsoro Twagi.
Komiseri w’umukino azaba ari Nduwumwami Jean Alpha.
Izi kipe zombi zifite ibikombe bikomeye zimaze kwegukana aho APR FC ariyo yatwaye igikombe cya shampiyona cya 2023/24 mu gihe Police yo yegukanye igikombe cy’Amahoro cya 2024.
APR FC iheruka gutwara iki gikombe cya FERWAFA Super Cup muri 2018 itsinze Mukura VS.