Ku wa Gatanu w’icyumweru gishize nibwo ikipe ya Rayon Sports iherutse gutangaza ko yasinyishije myugariro ukomoka muri Sénégal Omar Gningue.
Mu ijoro rishyira kuri uyu wa Mbere tariki ya 8 Nyakanga ni bwo uyu musore yakandagije ibirenge bye ku kibuga Mpuzamahanga cy’Indege i Kanombe, yakirwa n’Umuvugizi w’iyi kipe, Ngabo Roben.
Omar Gningue yari Kapiteni wa As Pikine , yatangarije itangazamakuru ko aje muri iyi kipe ayizi neza ndetse aje gusohoza imigambi yayo yo gutwara ibikombe.
Byitezwe ko uyu musore araza gutangirana na bagenzi be imyitozo kuri uyu wa mbere.
Rayon Sports ikomeje kwitegura neza imikino ya shampiyona ya 2024/25 izatangira tariki 18 Kanama 2024, igura abakinyi batandukanye bazayifasha kugera ku ntsinzi .