Kuri uyu wa Gatanu kuri stade ya Kigali i Nyamirambo, ikipe y’Igihugu y’Abatarengeje imyaka 23 [U23], yatangiye imyitozo yitegura umukino wa Libya mu gushaka itike y’igikombe cya Afurika cya 2023.
Mu gutegura imikino ibiri izahuza u Rwanda na Libya tariki 22 Nzeri na 27, abatarengeje imyaka 23 b’u Rwanda batangiye imyitozo bari gukorera kuri stade ya Kigali i Nyamirambo.
Ni imyitozo izajya ikorwa Kabiri ku munsi mu rwego rwo kubyaza umusaruro iminsi mike u Rwanda rufite.
Abagaragaye muri iyi myitozo y’umunsi wa mbere ntiharimo abari kumwe na APR FC muri Tunisia n’abari kumwe na AS Kigali i Huye.
U Rwanda ruzahangana na Libya mu mikino yo gushaka itike yo kuzakina igikombe cya Afurika kizabera muri Maroc mu 2023.
UMUSEKE.RW
