Nyuma ya tombola y’uburyo amakipe azahura mu matsinda mu irushanwa ry’amakipe yabaye aya Mbere iwayo ku mugabae w’i Burayi, Uefa Champions League, ikipe ya FC Barcelona yisanze mu itsinda rya Gatatu ririmo Bayern Munich yo mu Budage.
Ku Kane tariki 25 Kanama 2022 ni bwo habaye tombola yagombaga kugaragaza uko amatsinda y’amakipe ari muri Uefa Champions League. Ni amatsinda umunani, buri tsinda ririmo amakipe ane hakazazamukamo abiri gusa.
Itsinda ryiswe iry’urupfu bitewe n’amakipe arimo, ni irya Gatatu ririmo FC Barcelona yo muri Éspagne, Inter Milan yo mu Butaliyani, FC Bayern Munich yo mu Budage na FC Viktoria Plzeň yo muri Répubulika ya Tchèque.
Impamvu ikomeza iri tsinda, ni amakipe y’ibigugu arimo, cyane cyane FC Bayern Munich bijyanye n’izina iyi kipe ifite mu marushanwa yo ku mugabane w’i Burayi.
Mu nshuro iyi kipe yo mu Budage iheruka guhura na FC Barcelona, yayitsinze mu buryo bwayoroheye. Mu 2021/2022 aya makipe yombi yari mu itsinda rya Gatanu, Bayern itsinda 3-0 Barcelona mu mukino ubanza, umukino wo kwishyura irayisubira ku bitego 3-0.
Mu 2019/2020, Bayern yasezereye Barcelona muri ¼ ku bitego 8-2 iyisanze iwayo. Mu 2015 nabwo Barcelona yari yatsinzwe n’iyi kipe 3-2 ariko umukino ubanza iyi kipe yo muri Éspagne yatsinze 3-0.
Imibare igaragaza ko guhera mu 2008/2009, ikipe ya FC Bayern Munich yatsinzemo inshuro nyinshi mu mikino yose yahuye na FC Barcelona.
imikino izatangira tariki 6-7 Nzeri 2022, mu gihe umukino wa nyuma uzakinwa muri Kamena 2023.
Uko amatsinda yose ateye:
Itsinda rya Mbere: Ajax, Liverpool, Napoli, Rangers
Itsinda rya Kabiri: FC Porto, Atlético Madrid, Bayern Leverkusen Club Brugge
Itsinda rya Gatatu: FC Barcelona, FC Bayern Munich, Inter Milan, FC Viktoria Plzeň
Itsinda rya Kane: Frankfurt, Tottenham, Sporting CP, Olympique Marseille
Itsinda rya Gatanu: AC Milan, Chelsea, Salzburg, Dinamo Zagreb
Itsinda rya Gatandatu: Real Madrid, Leipzig, Shakhtar, Celtic
Itsinda rya Karindwi: Manchester City, FC Sevilla, Borrusia Dortmund, Copenhagen
Itsinda rya Munani: PSG, Juventus, Benefica, M. Haifa
UMUSEKE.RW
