Mu mikino itangira shampiyona y’u Bwongereza, ikipe ya Manchester United yatengushye abakunzi nyuma yo gutsindwa na Brighton & Hove Albion ibitego 2-1.
Ku wa Gatanu tariki 5 Kanama ni bwo shampiyona y’Icyiciro cya Mbere mu Bwongereza [Premier League] yatangiye, ikipe ya Arsenal yitwara neza itsinda umukino wayo wa Crystal Palace ibitego 2-0.
Mu gihe Arsenal yatsindaga umukino wayo wa Mbere, ikipe ya Manchester United yo yagaragurikaga ubwo yatsindwaga na Brighton & Hove Albion ibitego 2-1 mu mukino Cristiano Ronaldo yabanje ku ntebe y’abasimbura.
Ku munota wa 30 ni bwo Pascal Gross yaboneye igitego cya Mbere ikipe ya Brighton & Hove Albion, yongeramo kubona izamu ku munota wa 39, mu gihe icya Manchester United cyaturutse mu kwitsinda kwa Alexis Marc Allister ku munota 68.
Aha niho abasesengura umupira w’u Bwongereza, bahereye bavuga ko Manchester United ari yayindi n’ubwo yahinduye umutoza.
Indi mikino yabaye:
Leicester City 2-2 Brentford
West Ham United 0-2 Manchester City
Fulham 2-2 Liverpool
AFC Bournemouth 2-0 Aston Villa
Leeds United 2-1 Wolverhampton Wonderers
Newcastle United 2-0 Nottingham Forest
Tottenham Hospur 4-1 Southampton
Everton 0-1 Chelsea
UMUSEKE.RW
